بنت البلد رانيا قيسر كانت في سوريا ونجت بصعوبة من شظايا برميل تفجر بالقرب منها وأدى إلى بعض الحروق في وجهها لكنها من الدرجة الأولى والحمد لله .. هي مضطرة للعودة إلى أمريكا لبعض الوقت ومع ذلك تعتبرها خيانة؟

رانيا قيسر شتقت لماما كتير بس اقسم بالله صعبة .... لك شلون بدي اقعد مع ماما بالبيت واهلي عم ينقتلوا بسوريا شلون؟؟؟؟؟ لك والله قمة الخيانة ااااه بس اه ياأستاذ اخدوني على مغارة تحت الارض باللطامنة وشفت النساء كيف اعدين تحت الارض ...حرقوا لي قلبي ..كلنا صرنا نبكي ,سألتني وحدة شو مشان اوباما قلت لها ما بده يساعدنا رفعت ايديها لفوق وصارت تدعي اقسم بالله أمنت في تلك اللحظة ان الارض ستخسف بأوباما لو تشوف الاطفال شلون كانت نايمة تحت الارض لفقدت عقلك اقسم بالله صرت اضرب حالي انا والفظيع انه هنن صاروا يهدوني ويقولوا لي معليش لا تبكي هيك قدرنا بتعرف؟ ضربة وحدة جنبهم لاسمح الله بيروحوا الكل اموات تحت الارض وضعهم خطر جدا يعني ضربة وحدة بس وبيندفنوا تحت الارض لأنه المغارة مالها فتحة تاني ولا حتى فتحة تهوية في واحد شب اسمه زكريا العمر سمى بنته على اسمي يعني رانيا ووقت رحت شوفهم قال لي يا رانيا خدي رانيا معك حرقني حرق يا استاذ توفيق , لا قادرة جيب ولادي ولا قادرة احمي ولاد الناس . بس مع هادا وكلو واللي مامكن تقرا عنو أو تتصورو الناس هنيك أقوى مني ومنك وبحس دائما نهن بيفهمو معنى الحياة والموت أكتر من كل الناس .