من إعلانات الصحافة الصفراء التي تغزو الفيس بوك ونجبر على ملاحظتها بين مجزرة ومجزرة

-لن تصدقوا نجمات بدون مكياج

-نجمات يعانين من البثور والمسام الكبيرة والبشرة المتعبة

-قبل وبعد عمليات التجميل

-نجمات تجاوزن الأربعين ومازلن جميلات

بس أفظع شي اعلانات مجلة اسمها (الجميلة) لكن أقترح تغيير إسمها لــ (الجاهلة) أو (الغبية) فكل نصائحها بتخليني حس المرأة المثالية مخلوق لازم ينربط من رقبته ويظل قاعد على باب البيت مادد لسانو وعم يهز ذيلو

وكل ماسبق بيخليني حس الإنسان كائن أهبل ناقص الأهلية لسانو مدندل على طرف تمو والزبد عم ينقط منو

كل شي سطحي كل شي تافه كل شي عايم مثل طبقة دهن مغلفة القلب والعيون مطلية بالفيميه ونور الشمس والحقيقة عم يتبعثر ماعم يوصل لحدا

ملاحظة: كل هاد بيندفع عليه مصاري ليندحش بأنفك وينزرع براسك..

معاً لمكافحة التفاهة وإنقاذ مايمكن إنقاذه